Calon Walinagaghi Nan Layak Kito Piliah

0
            Catatan Zakirman Tanjuang


TAHUN 2024 ko akan balansuang pamiliahan kapalo daerah. Dalam carito ko kito sabuik sajo walinagaghi.

Ndak ado nan barek doh, Datuak, kalau lai punyo niaik mangabdi karano Allah, bukan karano ulah.

Salain tu, motivasi jadi walinagaghi: kalau memang untuak mangabdi, nan barek taraso ringan. Tapi, kalau untuak manaiak-an level diri, nan ringan taraso barek mah.

Kapado figur² nan baniaiak mancalonkan diri jadi walinagaghi, ancak tanyo na diri lu. Kalau ndak tulus ka mangabdi doh, ancak ambiak atak liak.

Yo, iko ciek lai, musti mampu jadi wali untuak ka sado korong nan ado, ndak hanyo batonggok di kantue je doh, tapi acok mangunjuangi palosok² korong, batalingo nyaghiang, bapancaliak-an janiah, sahinggo tau di maa warga nan indak makan, indak babaju, tingga di umah nan indak layak, di maa anak² nan kurang gizi .... .... 

Walinagaghi nan ka kito piliah isuak handak e ughang nan balauik laweh bapadang leba, bukan panyampik kalang, basudio manarimo saran ka nan elok, bukan barajo di hati soghang, amuah ditunjuak-i jo dikoreksi, suko manolong jo babagi dalam arti malayani, mandahulukan kapantiangan masyarakaik banyak daripado kapantiangan diri, kaluarga atau dunsanak

Tambah ciek lai, salagi takana ko aa

Kok nyampang ado calon walinagaghi atau pihak kaluarga / kolega e isuak nan main kepeang, jaan dipiliah!!!

Sabauk, kalau inyo mandapek-an jabatan jo caro mambali, isuak kalau tapiliah, inyo tantu manjua, ndak paduli jo masyarakaik, bakarajo asa jadi, bahkan jadi maliang jo korupsi. (*)

Posting Komentar

0Komentar
Posting Komentar (0)

#buttons=(Accept !) #days=(20)

Our website uses cookies to enhance your experience. Learn More
Accept !
To Top